قصۂ درد سناتا ہوں کہ مجبور ہوں میں

  ہے  بجا   حلقٔہ   ازواج میں مشہور   ہوں میں

 یرا بیرا ، تیرا دھوبی ، تیرا مزدور ہوں میں

زن مریدی کا شرف پا کےبھی رنجور ہوں میں

ناز بردار سے تھوڑی سی شکایت سن لے !!

میری مخدومہ میرے غم کی حکایت سن لے

ہر نئے سال نیا  گل  ہےکھلایا  تو    نے   !!!

زچہ  بن بن    کے  بجٹ میرا گھٹایا تو        نے

جس میں  ہر  ر نگ کا  ماڈل  ہے سجایا تو نے !

اپنا   شو روم  میرے گھر    کوبنا یا  تو   نے

اس میں انگلش بھی ہےدیسی بھی ہے جاپانی بھی

گورا بھی ہے کالا بھی کانا بھی ہے   کانی بھی

فوج کی فوج میرے گھر میں جو در آئی ہے

رشتہ داروں نے تیرے جان میری کھائی ہے

بات  کہنے  کی نہیں  تو  بھی تو ہرجائی   ہے

کوئی ماموں ہے کوئی خالو ہے کوئی بھائی ہے

ان ممولوں کو سمبھالوں کہ چڑی ماروں کو !!

کیسے غربت میں میں پالوں تیرے غمخواروں کو

اٹھ کے چولہے کی طرف جانا تجھے بھاری ہے

کس  قدر  تجھ   پہ گراں صبح   کی   بیداری       ہے

تو ہی  کہہ دے یہی  انعامِ  وفاداری   ہے

مجھ سے کب پیار ہے ہاں نیند تجھے پیاری ہے

لاکے  بستر  پہ تجھے  چائے  پلائی  جس  نے

میں وہ شوہر ہوں کہ خود آگ جلائی جس نے

اس بلیک آؤٹ سے مکھڑے کو سنوارا کس نے

تو ہی کہہ دے کہ تیرا حسن نکھارا کس   نے

واسطہ  دے  کے   غریبی  کا  خدارا   لایا

کون  تیرے     درزی     سے غرارا   لایا

لے کے شاپنگ کیلئے تجھ کو میں جاتا کم ہوں

پھربھی مجھ سے یہ گلا ہے کہ کماتا کم ہوں

اور پلاز ا میں تجھ ے فلم دکھاتا کم ہوں

نو جوانی  میں تجھے عیش کراتا   کم ہوں

مشکلیں  شوہرِ   مظلوم  کی  آساں کر دے

کاش نوٹوں سے حکومت میری جیبیں بھر دے

تیری سرکار میں پہنچوں تو دبک جاتا ہوں

محفلِ   شعر و سخن میں   تو چمک جاتا   ہوں

گھور  کر  د یکھے تو  پیچھے کو سرک  جاتا ہوں

تو جو بلغم بھی کھنکارے تو ٹھٹک جاتا ہوں

تو  ہے  بے کار  ترے  پاس کوئی کار نہیں

پھر بھی مجھ سے یہ گلا ہے کہ وفا دار نہیں

عثمان وارؔثی